Ecc 5 | PMA | STEP |

Ecclesiastes 5

Selkatien Usil Mane

Eklisiastes 5:10-15

10 Munak envatien onom mul en mane houlu,
lises kihotini keke mane onom hervinvintei.
Ka munak emvati kovalah tounah houlu vahi onom,
kilesi keke kosakras kovakur tounah vasi koa emvati.
Sakien koanek emun hemai hehi heisav enges.
11 Veni navong kokur tounah houlu,
koakeil akanian en hem emun umai avi houlu.
?Tounah keil onom hekataunuk hemukave?
!Tounah keil enek vi talesien enges!
12 Meatin keil koa amum en he, avaseini akanian revi vuo arkanien revitei,
keil amatil revi en vongien.
Ka koakeil tounah one houlu,
armatil revitei veni amundemko houlu ven tounah keil one.

13 Koanek vi tounah tamun koa nalesi romaltei en out netan:

Meatin keil apurun moulien one enges
keke avalah ruain tounah keil one vamai vahi houlu.
14 Evus, amuti manin ka tounah tai kur out
koa sakin mane keil one avupuol ran keil.
Ka katau, tounah tovuol emun
avasani vakataun titiali keil one.
15 Navong akur rohtoh en titiali tai,
kei kistal hon enges.
Ka en sakien enek varei, navong hemat,
kei heha ris hehi heite hon.
Sakini, vetitin onen
vi heisav enges.